Arteta për ndeshjen e nesërme ndaj Realit: Synojmë të dominojmë përsëri

Mikel Arteta dhe David Raya folën para mediave në konferencën për shtyp përpara ndeshjes së kthimit në çerekfinalen e Ligës së Kampionëve kundër Real Madridit në “Santiago Bernabéu”.

Arsenal do të jetë pa disa lojtarë të rëndësishëm, si Gabriel Magalhães, Calafiori, Tomiyasu, Kai Havertz, Gabriel Jesus dhe Jorginho.

Objektivi për ndeshjen: “Synojmë të dominojmë dhe të fitojmë si në ndeshjen e parë. Duhet të kemi të njëjtin mentalitet: të fitojmë dhe të jemi më të mirë se ata. Do të bëjmë gjithçka për të minimizuar pikat e forta të Realit.”

Presioni në “Santiago Bernabéu”: “Nuk mund të mbyllim zërat nga jashtë, por duhet të përqendrohemi te loja.”

Respekti për Real Madridin: “E respektojmë dhe e admirojmë për gjithçka që ka arritur, por nuk kemi frikë.”

Deklaratat e Bellingham dhe Ancelottit: “Kanë të drejtë të flasin për çdo skenar, por ne duam të fitojmë.”

Bërja e historisë: “Kur krijon histori, duhet të besosh në të. Duam të krijojmë historinë tonë. Ndonjëherë dështojmë, por këtë sezon jemi më të mirë dhe duam të arrijmë në gjysmëfinale për herë të tretë.”

Aspekti emocional: “Është shumë i rëndësishëm. E njoh mirë këtë skuadër dhe besoj se dimë të përballojmë çdo situatë.”

Gjendja e përgjithshme: “Ekipi është mirë dhe me vetëbesim për të përsëritur atë që bëmë në ndeshjen e parë. Jemi këtu për të fituar dhe për të vazhduar të shkruajmë histori.”

Të luash kundër Real Madridit: “Kur je në këtë kompeticion, do të përballesh me më të mirët. Kemi luajtur kundër lojtarëve të mëdhenj në Premier League, jemi mësuar me këtë nivel.”

Presioni dhe zhurma nga jashtë: “Përpiqesh të fokusohesh te ajo që mund të kontrollosh. Përqendrimi është gjëja më e rëndësishme.”

Një rikthim i mundshëm i Real Madridit: “Në futboll gjithçka është e mundur, por ne duam ta fitojmë ndeshjen.”

Frika e Anglisë ndaj Real Madridit: “Nuk lexoj shumë shtypin. Ata shohin interesin e tyre, dhe është e drejtë që të kenë besim.”

Arsenali do të kërkojë të ruajë performancën pozitive nga ndeshja e parë dhe të arrijë për herë të parë në një gjysmëfinale të Champions League që nga viti 2009.

Ndeshja e kthimit ndaj Real Madridit është planifikuar për nesër në “Santiago Bernabéu".