Iniesta: Babai im punonte murator, i sakrifikoi tri rroga për të më blerë këpucë futbolli

Andrés Iniesta i ka zbuluar sakrificat që i kishte bërë babai i tij për ta ndihmuar që ta realizojë ëndrrën e futbollit.

Babai i kampionit evropian dhe botëror kishte punuar fort si murator vetëm për të siguruar para që ish-futbollisti i Barcelonës të kishte kushte për t’u bërë lojtar i madh.

Dhe, kështu ndodhi. Ai u bë njëri prej mesfushorëve më të mirë në histori të futbollit dhe fitoi gjithçka të mundshme në këtë sport.

“Kur isha 12 vjeç, babai im sakrifikoi para nga tri rroga vetëm e vetëm për të m’i blerë një palë këpucë futbolli. Unë nuk e kam harruar kurrë se prej nga kam ardhur këtu.”

Këpucët e para sportive që ia kishte blerë babai ishin ikoniket “Adidas Predator”.

“Ishin të zeza, me disa vija në pjesën e përparme. Unë i kam ato edhe sot e asaj dite në shtëpinë time në fshat.”

“Ato ishin të njëjta me ato që i kishte veshur dikur Koeman.”

Ndërsa Andrés u bë dalëngadalë një legjendë e futbollit, babai i tij, Jose Antonio, po punonte shumë si murator për ta mbështetur ëndrrën e birit të tij.

Respekt i pafund për Andrés Iniestan.

Një simbol i përulësisë dhe i madhështisë.