Finalja e mbijetesës

Skënderbeu do të presë Bylisin ditën e dielë në Korçë, teksa mes tyre do të bëjnë llogaritë e javës së 36-të të Superiores, e cila është edhe e fundit e kampionatit.

Duel ky që do të startojë në orën 15:30 dhe që do të vendosë fatet e ekipeve për këtë sezon.

Korçarët janë të dënuar vetëm për fitoren për të mbijetuar, në të kundërt çdo rezultat tjetër për Skënderbeun do të ishte fatal, pasi do t’i zbriste ata në Kategorinë e Parë, nëse Tirana do të fitonte ndaj Dinamos.

Duke parë eedhe rëndësinë e kësaj përballjeje, klubi ka vendosur të hapë 2 nga tribunat. Kështu për tribunën C dhe D hyrja do të jetë fals dhe kjo do t’u japë mundësinë tifozëve të jenë sa më të shumtë në numër në mbështetje të ekipit.