Kush do ta fitojë “Këpucën e Artë”?
- Bota Sot
Harry Kane ka katër ndeshje të mbetura për të shpresuar të mbajë “Këpucën e Artë”.
Sulmuesi anglez, i cili shënoi 36 gola sezonin e kaluar me Bayern Munich, ka shënuar 24 në 2024-2025.
Dhe nuk shfaqet në podiumin provizor të golashënuesit më të mirë në një kampionat evropian të Kategorisë së Parë. Ai është i katërti.
Tre sulmues janë përballë tij. Mohamed Salah ka shënuar 27 gola këtë sezon në Premier League. Një gol në pesë kampionatet evropiane (Gjermani, Angli, Spanjë, Francë dhe Itali), vlerësohet në dy pikë, ai është i pari me 54 pikë.
‘Nënkampioni’, Viktor Gyökeres, ka shënuar shtatë gola më shumë se ai këtë sezon, por luan për Sportingun, në një ligë, Liga Portugeze, e cila nuk është ndër pesë të parat në koeficientin e UEFA-s (e 7-ta).
Si rezultat, një gol vlen 1.5 pikë. Në renditjen e “Këpucës së Artë”, sulmuesi suedez, i cili ka shënuar 34 gola, është i dyti me 51 pikë.
Pas Gyökeres është Robert Lewandowski. 36-vjeçari polak, fitues në vitin 2021 (41 gola) dhe 2022 (35 gola) me Bayern Munich, ka shënuar 25 herë në La Liga dhe ka 50 pikë.
Francezi i parë është Kylian Mbappé, i 6-ti (22 gola, 44 pikë), pak përpara anësorit të PSG-së, Ousmane Dembélé, autor i 21 golave (42 pikë), i barabartë me lojtarët e Manchester City, Erling Haaland, Omar Marmoush (i transferuar nga Frankfurti në janar) dhe sulmuesin e Newcastle, Alexander Isak.
Ja renditja aktuale e “Këpucës së Artë”:
1.Mohamed Salah, Liverpool (Angli): 27 gola, 54 pikë
2. Viktor Gyökeres, Sporting (Portugali): 34 gola, 51 pikë
3. Robert Lewandowski, FC Barcelona (Spanjë): 25 gola, 50 pikë
4. Harry Kane, Bayern Munich 4.8 pikë
5. Mateo Retegui, Atalanta Bergamo (Itali): 23 gola, 46 pikë
6. Kylian Mbappé, Real Madrid (Spanjë): 22 gola, 44 pikë
7. Ousmane Dembélé, PSG (Francë); Erling Haaland, Manchester City (Angli); Omar Marmoush, Frankfurt (Gjermani)/Manchester City (Angli); Alexander Isak, Newcastle (Angli): me nga 21 gola, 42 pikë.
