Chelsea “frikëson” Real Madridin me 200 milionë euro

Chelsea i ka vënë një çmim prej 200 milionë eurosh Enzo Fernandez për të larguar interesin e Real Madridit, sipas Football Transfers.

Mesfushori argjentinas fillimisht pati vështirësi të futej në planet e Enzo Maresca këtë sezon, duke bërë që Los Blancos ta merrnin parasysh.

Gjigandët e La Liga-s ende nuk kanë nënshkruar një zëvendësim për Toni Kroos, i cili u tërhoq verën e kaluar.

Është interesante se kontrata e Luka Modriç skadon muajin tjetër dhe atij nuk i është ofruar ende një marrëveshje e re.

Real Madrid pritet të përqendrohet në mesfushë këtë verë dhe thuhet se e kanë identifikuar argjentinasin si një opsion.

Los Blancos më parë shpresonin të përfitonin nga pozicioni i lojtarit te Chelsea.

Megjithatë, situata e Fernandez ka ndryshuar në muajt e fundit dhe tani ai është përpjekur të rikthehet në planet e Maresca-s.

Blutë po ndërtojnë një ekip për të tashmen dhe të ardhmen, dhe 24-vjeçari është një pjesë e domosdoshme e skuadrës së parë.

Chelsea i pagoi Benfica-s 121 milionë euro për lojtarin në janar 2023.