Bujar Qerimi e ka një problem para ndeshjes së madhe që luhet nesër

Selektori i Kombëtares së Kosovës, Bujar Qerimi, merr frymë thellë pasi që e ka të qartë kah vjen rreziku i madh nga kundërshtari përkatësisht Ishujt Faroe, që shumica e hendbollistëve i luajnë në Gjermani e Danimarkë.

Pse e ka Bujar Qerimi një problem?

Sepse kundërshtari për 60 minuta luan 7 me 6.

Ky është problemi që e shqetëson selektorin tonë.

Këtë e thotë edhe Qerimi sepse me kohë e ka vërejtur rrezikun.

Sido që jetë, Qerimi e ka planin frenues për rivalin.  

“Atmosfera është njësoj si tubimin e kaluar, atmosferë e mirë.

Jemi duke u përgatitur për me dalur përball Ishujve Faroe.

Është problematika, arsyeja se ata luajnë 60 minuta 7 me 6.

Mirëpo, jemi duke punuar me gjet zgjdhje për kundërshtarin në fazën e mbrojtjes. Kështu që kemi edhe fuqinë tonë në sulm, për mi gjet zgjidhje sa më të lehta e më të mira”, thotë Qerimi.

Ndeshja mes kombëtares së Kosovës dhe Ishujve Faroe luhet nesër në orën 20.15 në Qendrën e Rinisë dhe Sportit në Prishtinë.

Për Kosovën është si finale ndeshja me Ishujt Faroe në kuadër të Grupit 6 të rrethit të dytë të kualifikueseve për Kampionatin Evropian.