Eric Garcia për Yamal: Ndonjëherë duket sikur ai nuk e prek topin

Lamine Yamal ka magjepsur botën e futbollit me klasin e tij, një aspekt që nuk ka kaluar pa u vënë re nga shokët e tij të skuadrës si Eric Garcia, i cili në fund të derbit të fituar kundër Espanyol foli për lojtarin spanjoll.

“Ndonjëherë duket se loja nuk është e përqendruar te Lamine, se ai nuk e prek kurrë topin.

Pastaj, kur ai e prek, ndryshon gjithçka. Është kënaqësi ta kesh atë në fushë dhe ta shijosh”, zbuloi Garcia.

“Ishte një ndeshje shumë delikate, pas golit të Real Madridit që erdhi pikërisht në fund, ne nuk mund të bënim asnjë gabim.

Ne u munduam të futeshim në lojë në pjesën e parë dhe ata patën raste shumë të qarta. Ne dinim të vuanim dhe golat erdhën në fund”.