44 të dyshuar arrestohen për korrupsion në Stamboll

Hetimi për korrupsion i nisur nga Zyra e Kryeprokurorit Publik të Stambollit ndaj të dyshuarve, përfshirë Ekrem İmamoglu-t, i cili u pezullua nga detyra si Kryetar i Bashkisë Metropolitane të Stambollit pas arrestimit të tij, është ende në vazhdim për veprat penale të "qenies udhëheqës i një organizate kriminale", "anëtarësim në një organizatë kriminale", "shtrëngim", "ryshfet", "mashtrim i rënduar", "përvetësim i paligjshëm i të dhënave personale" dhe "manipulim i tenderëve", raporton Anadolu.

Në kuadër të hetimit, u ndërmorën veprime pas zbulimit të disa parregullsive në inspektimet e kryera në İSTAÇ, KİPTAŞ dhe Departamentin e Mirëmbajtjes së Rrugëve.

Në këtë kontekst, 44 të dyshuar, përfshirë Kryetarin e Bordit të KİPTAs, Ali Kurt, Kryetarin e Bordit të İSTAÇ, Ziya Gokmen Togay, Shefin e Departamentit të Mirëmbajtjes së Rrugëve dhe Koordinimit të Infrastrukturës të Bashkisë së Stambollit (İBB), Seyfullah Demirel, Sekretaren Private të İBB-së, Kadriye Kasapoglu, menaxherin e sigurisë së Ekrem İmamoglu-t, Mustafa Akın, Shefin e Departamentit të Çështjeve të Lagjeve të İBB-së, Yavuz Saltık, si dhe pronarët e kompanisë Yapı Merkez İnsaat, Mustafa Başar Arıoglu, Erdem Arıoglu dhe Ozge Arıoglu, u arrestuan në operacione të njëkohshme të organizuara nga Departamenti për Krime Financiare i Drejtorisë së Policisë së Stambollit në Stamboll, Izmir, Trabzon, Antalya, Tunceli dhe Kocaeli.

Nga ana tjetër, Kadriye Kasapoglu, një nga të dyshuarat e arrestuara më parë në kuadër të të njëjtit hetim, u lirua me kushtin e kontrollit gjyqësor.