Vjosa Osmani për “DokuFestin”: Frymëzim dhe art në zemër të Prizrenit

Presidentja e vendit, Vjosa Osmani, ka vizituar Festivalin “DokuFest” në Prizren.

Osmani ka përshkruar në një postim në Facebook rëndësinë e DokuFestit për qytetin e Prizrenit.

Ajo thekson se DokuFesti ka transformuar Prizrenin në kryeqendrën e kulturës, filmit dhe ideve të reja.

“Një përvojë e mrekullueshme, ndërmjet historive që frymëzojnë dhe njerëzve që e bëjnë artin pjesë të përditshmërisë sonë,” shkruan Osmani, duke vlerësuar ndikimin e festivalit në jetën kulturore të qytetit dhe vendit.