Rakitiç mesazh për Perezin

Ish-mesfushori i Barcelona-s, Ivan Rakitiç, i ka dërguar një mesazh presidentit të Real Madridit, Florentino Perez për rinovimin e kontratës së Luka Modric, sipas Marca.

Raportet e fundit sugjerojnë se klubi heziton t’i ofrojë Modric një kontratë të re pasi kontrata e tij aktuale përfundon më 30 qershor.

Maestro i mesfushës kroate u largua nga Tottenham për t’u transferuar në Madrid në verën e vitit 2012 për një shumë prej 35 milionë eurosh dhe është bërë një nga më të mirët në historinë e Los Blancos.

Ai ka luajtur në 563 ndeshje për ta në të gjitha kompeticionet deri më tani, duke gjetur rrjetën në 41 raste. Modric ka dhënë edhe 90 asiste për madrilenët.

Ivan Rakitic i ka kërkuar Perezit që të rinovojë menjëherë kontratën e Modric.

“Shpresoj që Florentino Perez të më dëgjojë me shumë kujdes… Florentino, rinovoja kontratën tashmë! Rinovoje atë jo vetëm për madrilenët, por për të gjithë ne që e duam futbollin.

“Luka është një nga të paktët që e duan të gjithë, kroatët, spanjollët, gjermanët, turqit…”, tha Rakitic për Madrid Universal.

“Nëse ai largohet, do t’i mungojë Real Madrid-it dhe La Liga-s. Ai duhet të vazhdojë të luajë në Champions League dhe shpresoj se do të luajë Botërorin vitin e ardhshëm. Mosha nuk ka rëndësi. Shpresoj se ne do të vazhdojmë kënaqemi me të”, shtoi ai.