Rreziku nga dritat LED, Britania pritet të dalë me qëndrim gjatë verës

Dritat LED në automjete janë vënë ‘nën zjarr’ në Britani të Madhe, ku mijëra shoferë kërkojnë ndalimin e tyre.

Një sondazh nga organizata britanike e automobilistëve, Shoqata e Automobilave, tregon se tre të katërtat e anëtarëve ndihen të verbuar nga dritat LED në trafik.

“Anëtarët tanë na kanë thënë se po ndjejnë tensionin e dritave më të shndritshme më shumë se kurrë më parë”, tha për Daily Mail Edmund King, kryetar i Shoqatës së Automobilave.

Situata e shtyu qeverinë britanike të nisë një studim të pavarur për sigurinë e këtij lloji të dritës, pas një rritje të numrit të aksidenteve që përfshijnë ndikimin e dritave LED, ku vetëm në vitin 2023 janë raportuar 216 aksidente, një rritje në raport me 2022.

Graham Downey, një anëtar i parlamentit, shprehu shqetësimet e tij për Sky News.

"Rritja e sigurisë për drejtuesit individualë nuk mund të jetë në kurriz të përdoruesve të tjerë të rrugës dhe këmbësorëve," tha ai.

Rezultatet e studimit pritet të publikohen në verë, kur do të dihet edhe qëndrimi i Qeverisë britanike ndaj rrezikut të dritave LED.