Të kaltrit larguan disa lojtarë gjatë afatit kalimtar të janarit

Chelsea dhe Milani thuhet se po ‘punojnë’ për një marrëveshje të bujshme shkëmbimi me tre lojtarë të përfshirë në këto bisedime.

Të kaltrit larguan disa lojtarë gjatë afatit kalimtar të janarit, duke përfshirë Ben Chilwell dhe Carney Chukwuemeka, të cilët iu bashkuan Crystal Palace dhe Borussia Dortmund.

Për të mos përmendur Joao Felix, i cili ishte i lidhur me një kalim në Aston Villa përpara se të nënshkruante një marrëveshje me Milanin deri në fund të sezonit.

Felix bëri një përshtypje të menjëhershme në debutimin e tij teksa shënoi në fitoren 3-1 të skuadrës së tij të re ndaj Romës. Sipas mediumit Calciomercato, Milani dëshiron ta bëjë këtë lëvizje një transferim të përhershëm në verë.

Për më tepër, gjigantët italianë mund t’u ofrojnë Bluve Rafael Leao ose Fikayo Tomori si pjesë e një marrëveshjeje të mundshme për sulmuesin portugez. Leao ka qenë i lidhur me një largim nga San Siro gjatë viteve, me një largim të mundshëm nga Milani në kartat, gjë që mund të ndihmojë klubin të lehtësojë një lëvizje për Felix.

Tomori, i cili u ‘diplomua’ nga akademia e të rinjve të Chelseat, ka qenë gjithashtu subjekt i spekulimeve intensive për transferimet, me raportet që e lidhin atë me një kalim në janar te Tottenham Hotspur. Felix, ndërkohë, luajti ‘violinën e dytë’ nën drejtimin e Enzo Maresca këtë sezon, duke bërë vetëm 12 paraqitje në Premier Ligë.