Man City etiketon tre portierë të mundshëm për të zëvendësuar Edersonin

Drejtuesit e Manchestr Cityt dhe trajneri Pep Guardiola synojnë ta zëvendësojnë edhe portierin Ederson dhe për këtë kanë etiketuar tashmë disa emra të mundshëm që mund ta pasojnë.

Ndeshja me Real Madrid ka theksuar se Manchester City ka nevojë për një ndryshim brezash, me Ederson ndër lojtarët më të shquar nën vëzhgim.

Edhe pse Ederson ka qenë një nga portierët më të mirë në botë, ai nuk është më në kulmin e tij dhe sipas El Gol Digital,

Guardiola tani po synon tre portierët kryesorë të La Ligës për ta zëvendësuar atë: Alex Remiro, Unai Simon dhe Andriy Lunin.

Mes të treve, Remiro konsiderohet më i përshtatshmi për Cityn, i njohur për pritjet e tij të shkëlqyeshme dhe lëvizjet mbresëlënëse me këmbë, cilësi që përputhen mirë me stilin e Guardiolës.

Megjithatë, Real Sociedad heziton të ndahet me të, pasi edhe nuk e kanë gati Unai Marreron si pasardhës të mundshëm.

Simon, edhe pse një opsion i shkëlqyer, është jetik për projektin e Athletic Bilbao dhe largimi duket i pamundur.

Lunin, nga ana tjetër, mund të kërkojë një lëvizje pasi ai lufton për minuta si zgjedhje e dytë pas Thibaut Courtois në Real Madrid.