Transmetoi ndeshje futbolli ilegalisht, Premier Liga arrin ta burgos një burrë

Një burrë është dënuar me burg pasi drejtonte një shërbim të paligjshëm transmetimi, gjë që çoi në ankesa nga Premier League dhe Sky.

Një paralajmërim i ri u është dhënë tifozëve të futbollit pasi një burrë u dënua me burg për ofrimin e një shërbimi të paligjshëm transmetimi për ndeshjet e Premier League.

Me rritjen e shërbimeve IPTV dhe pajisjeve të modifikuara Amazon Fire Stick, autoritetet kanë intensifikuar përpjekjet për të ndaluar transmetimin e paligjshëm të futbollit të Premier League.

Organizata FACT (Federation Against Copyright Theft) në bashkëpunim me policinë ka ndërmarrë hapa të mëdha për të “penguar dhe shkatërruar operacionet e piraterisë”, por një zhvillim historik ka ndodhur pasi një burrë nga Libani është dënuar me 11 muaj burg për pesë akuza që lidhen me pronësinë intelektuale dhe krimin kibernetik.

Premier League, Sky dhe Alliance for Creativity and Entertainment (ACE) paraqitën një ankesë, e cila më pas çoi në përfshirjen e Byrosë së Krimeve Kibernetike në Liban, sipas raportimeve të The Mirror.

Individi i dënuar duhet gjithashtu të paguajë një gjobë prej 90,000 dollarësh (69,000 £) për dëmet e shkaktuara. Kevin Plumb, këshilltar ligjor i Premier League, tha se ky vendim është “thelbësor për të ardhmen e futbollit anglez dhe mbrojtjen e tifozëve tanë”.