Mediumi slloven shkruan për Flamurin e Kosovës në Beograd: FSS akuzon

Turpi i madh në Beograd, hiqet Flamuri i Kosovës dhe në sy të të gjitha shteteve të Evropës që morën pjesë në Kongresin e UEFA-së.

Mediumi i njohur sllovene “Delo” shkruan për ngjarjen e paprecedent në Beograd. 

“Hiqet flamuri i Kosovës! 

Pasi qarkulluan dje pamjet dhe fotot e kryetarit të Federatës së Futbollit të Kosovës (FFK) Agim Ademi pranë flamurit të Kosovës në Qendrën e Kongreseve Sava, sot ka reaguar Federata e Futbollit të Serbisë (FSS).

Në një deklaratë për media, ata kanë shkruar se kanë hequr të gjitha simbolet që përfaqësojnë Kosovën nga vendi i kongresit.

FSS akuzoi Ademin se po përpiqej të ‘shfrytezonte ngjarjen për interesa jo-futbollistike’, ka shkruar media sllovene.

“I gjithë komploti është veçanërisht ironik në dritën e fjalimit hapës të presidentit të UEFA-s, Aleksander Çeferin, i cili theksoi fuqinë unifikuese të futbollit dhe kapërcimin e kufijve, duke përmendur si shembull Kampionatin Evropian të ardhshëm U-21, i cili do të bashkëorganizohet nga Serbia dhe Shqipëria”, shkruan më tej.