Di Canio: Nëse e ndalojmë sezonin tani, nuk ka dyshim kush e fiton Topin e Artë

Ish-lojtari Paolo Di Canio ka mbështetur Mohamed Salah për të fituar Topin e Artë këtë sezon.

Ai beson se ylli i Liverpool ka qenë lojtari më i mirë këtë sezon, por shtoi se Champions League mund të luajë një rol të madh në vendimin përfundimtar.

Duke folur për FootItalia.com, Di Canio mendoi se Salah duhet të ishte fituesi i Topit të Artë nëse vendimi do të merrej për paraqitjet e deritanishme këtë sezon.

Megjithatë, 56-vjeçari dyshon nëse egjiptiani do të përfundojë fitues i çmimit, pasi Liverpool është jashtë Champions League dhe fituesi i Topit të Artë mund të vendoset nga kush fiton kompeticionin elitar. Ai tha:

“Ne e dimë që duhet të bësh diçka të veçantë në kompeticionet e ndryshme dhe jo vetëm në Premier League. Nga këndvështrimi im, nëse e ndalojmë sezonin tani, sigurisht që nuk ka dyshim për mua, Salah do ta fitonte Topin e Artë”.

Ai shtoi:

“Por kanë mbetur edhe dy muaj nga sezoni. Champions League, kombëtaret. Ai gjithashtu e ka një problem, nuk dua të them problem sepse ai është krenar që është lojtar i Egjiptit.

“Por varet se çfarë bën me kombëtaren, apo jo? Europiani, Kupa e Botës, kompeticione të ndryshme. Por Champions League bën ndryshimin”.

Liverpool u eliminua nga Champions League këtë sezon nga Paris Saint-Germain në raundin e 1/8-ave.

Ata janë gjithashtu jashtë FA Cup dhe humbën finalen e Carabao Cup kundër Newcastle (2-1) më 16 mars.