Odegaard: Duhet të qëndrojmë të bashkuar

Pas humbjes ndaj Bournemouth, mesfushori i Arsenalit, Martin Odegaard komentoi: “Jemi shumë të zhgënjyer. Donim të vinim sot këtu dhe të bënim një ndeshje të mirë, të fitonim, për pozicionin tonë në klasifikim dhe gjithashtu për të krijuar vrullin e duhur për javën që vjen.

Mendoj se e kontrolluam gjithçka pothuajse deri te goli i tyre, pastaj gjithçka u bë pak kaotike, pak e çrregullt, humbëm vrullin. Nga ai moment nuk bëmë më lojën tonë.

Pjesa e dytë nuk ishte aspak e mirë për ne. Nuk është e pranueshme të pësosh dy gola në atë mënyrë. Kjo është diçka për të cilën duhet të flasim dhe të sigurohemi që të përmirësohemi.

Tani jemi të zhgënjyer, por duhet të ecim përpara, të jemi të fortë, të qëndrojmë të bashkuar dhe të përgatitemi për një ndeshje shumë të rëndësishme në Paris”.

Në fund, mendimet shkojnë drejt ndeshjes së kthimit gjysmëfinale të Ligës së Kampionëve.

Të mërkurën në mbrëmje, skuadra e Arteta do të përballet me PSG në “Parc des Princes”, me qëllimin për të përmbysur humbjen 1-0 të ndeshjes së parë dhe arritur në finalen e shumëpritur pas 19 vitesh.

“Është një ndeshje shumë e rëndësishme. Kur je i zhgënjyer, i zemëruar dhe i frustruar si tani, mund t’i përdorësh të gjitha këto emocione për të bërë autokritikë të mërkurën. E dimë se për çfarë po luftojmë, është një ndeshje e madhe, duhet të qëndrojmë të bashkuar, të krijojmë energji dhe të jemi gati”.