Korabi prezanton talentin e ardhur nga Tirana

Pasi pak më parë zyrtarizuan një afrim, Tirana tashmë ka larguar një largim.

Bëhet fjalë për Hajrulla Tolën që do të lërë Kategorinë Superiore për të milituar në Kategorinë e Parë.

Mesfushori 20-vjeçar është bërë pjesë e skuadrës së Korabit në këtë merkato si i huazuar deri në fund të sezonit. Këtë e ka njoftuar vetë klubi i Peshkopisë përmes një njoftimi në faqen e tyre zyrtare.

“Hajrulla Tola zyrtarisht pjesë e KF Korabit!

Klubi I Futbollit Korabi njofton arritjen e marrëveshjes me KF Tirana për huazimin e lojtarit Hajrulla Tola. Mesfushori 20 vjeçar do të jetë pjesë e ekipit deri në fund të sezonit.

I urojmë suksese lojtarit dhe klubit!”, shkruhet në faqen zyrtare të Korabit.