Soler: Shkëmbi na ka ndihmuar shumë, shpresoj që…

Soler asistoi golin e parë të sfidës, që i hapi rrugë fitores 0-3 të Tiranës kundër Bylisit.

Mesfushori bardheblu deklaroi pas ndeshjes që meritë ka dhe trajneri Bledi Shkëmbi, për motivimin dhe me taktikat e tij. Po ashtu shpreson që bardheblutë të vazhdojnë me të njëjtën lojë.

“Jam shumë i lumtur për ekipin në përgjithësi dhe për veten.

Ne filluam të punojmë me Shkëmbin në verë dhe e njohim shumë, na ka ndihmuar shumë në taktika, motivim. Shpresoj në ndeshjen e ardhshme të luajmë me stilin që luajtëm dhe sot sepse ishim shumë mirë me topin.

Me trajnerin Bledi Shkëmbi përpiqemi ta mbajmë më shumë topin, Rafa është si unë që ka shumë qejf ta mbajë topin. Kjo është arsyeja që ne shkojmë shumë mirë dhe me kalimin e kohës do bëhemi dhe më mirë.

Nuk është se kam pozicion fiks, kur e kemi topin jam mirë si numër 6 dhe si numër 8”, tha Soler.