Skënder Gega zbulon detajet e kontratës: Ja sa do të qëndroj te Partizani

Egnatia dhe Partizani do të përballen këtë të enjte për të luajtur ndeshjen e vlefshme për gjysmëfinalen e parë mes tyre të Kupës së Shqipërisë. Sfida që do të zhvillohet në “Arena Egnatia”, nis në orën 19:00.

Në prag të këtij dueli ka folur trajneri i “Demave të Kuq”, Skënder Gega. Ky i fundit ka folur gjërë e gjatë mbi ndryshimin e ekipit që nga ardhja e tij dhe se çfarë pret nga ta. Ndër të tjera, Gega zbulon se me presidentin e klubit të Partizanit, Gaz Demi kanë rënë dakord për të firmosur kontratë 2-vjeçare.

"Kam 2 -3 ditë që kam patur mundësi të punoj me ekipin edhe pas ndeshjes me Laçin.

Ndeshja ishte leksion më vete sepse është ndryshe në stërvitje ndryshe shprehen , hapësirat janë të ndryshme , presioni është i ndryshëm dhe ndryshe është në lojë. Për fatin e mirë nuk u ndëshkuam me Laçin në ato momente tona të këqija, por reaguam në pjesën e dytë. Eshtë shenjë e mirë për mua si trajner. Nesër udhëtojmë në Rrogozhinë, është një ekip kampion, është një ekipi i mirë kanë investuar.

Besoj se po fillojnë të krijojnë historinë e vet si ekipi, si qytet, si tifozeri dhe ne i respektojmë. Deri ditën e nesërme kemi kohë ti diskutojmë gjërat pak më hollësishëm me ekipin. Kemi nxjerr edhe konkluzionet deri diku të ndeshjes së kaluar. Eshtë ndeshje kupe por do ti marrim të gjitha si finale. Nesër është Kupa luajmë gjysmën e duelit dhe do të luajmë deri në fund kemi edhe takimin e kthimit në shtëpi. Shkojmë atje për të bërë më të mirën", u shpreh fillimisht Skënder Gega.

Si ju duk reagimi i skuadrës dhe çfarë prisni të ndryshoni?

Unë ju garantoj që dëshira ka qenë e të gjithëve sepse nuk ka futbollist që nuk do të jap më të mirën. Besoj se është momenti dhe leksioni më i mirë për çdo njeri është të jesh optimist dhe të hysh në çdo ndeshje. Nga pjesa parë te pjesa e dytë pati ndryshime na dha pak optimizëm.

Duhet të njohim edhe njëri- tjetrin sepse futbolli luhet me detyra taktike. Ashtu si e shikoj unë së bashku me stafin dhe kujt i besojmë duhet të shkojmë deri në fund deri në maksimum që të bëjmë më të mirën. 90 minutëshi nuk është se duhet ti lesh të lirë në kuptimin e mirë të fjalës duhet ti kontrollosh, ti komandosh. Ka patur reagime të mira edhe në këto 2-3 ditë stërvitje. Idetë janë pak më të qarta edhe detyrat në aspektin e përgjejgjësisë. Besoj dhe shpresoj që do bëjmë progres.

Mund të na zbuloni diçka rreth kontratës tuaj me Partizanin?

Në Shqipëri kurioziteti është i madh. Ishte koha shumë e shkurtër dhe nuk mund të pasqyronim çdo gjë. Me presidentin Demi dhe klubin kemi rënë dakord të firmosim një kontratë 2 vjeçare. Do jem për dy vite pjesë e projektit të Partizanit dhe jam shumë i lumtur që është kjo hapësirë dhe shpresoj që gjërat të shkojnë sa më mirë , sa më gjatë.