As Napoli e as Bolonja nuk mundën të shfrytëzonin situatën në Serie A
- Bota Sot
As Napoli e as Bolonja nuk mundën të shfrytëzonin situatën në Serie A.
Ndeshja e së hënës përfundoi me barazim duke lënë të hapur si garën për kreun e serie a, por edhe për përfshirjen në zonën Champions
Bologna dhe Napoli ndanë nga një pikë pas një barazimi emocionues 1-1, që lë të dyja skuadrat me shije të përzier dhe pa ndryshuar pozicionin në renditje. Napoli humbi një mundësi të artë për t’u afruar më shumë me Interin, që kishte barazuar në Parma, ndërsa Bologna qëndron në vendin e katërt, një pikë mbi Juventusin dhe vetëm një pas Atalantës.
Ndeshja nisi me ritëm të lartë dhe me të dyja skuadrat të vendosura për të fituar. Miqtë kontrolluan më mirë pjesën e parë, dhe zhbllokoi rezultatin në minutën e 18-të me një aksion individual fantastik të Zambo Anguissa, që dribloi katër lojtarë të Bolognas, përfshirë edhe portierin Skorupski, për të shënuar një nga golat më të bukur të javës.
Madje rrezikoi të dyfishonte me McTominay, por Ravaglia, i futur në lojë pas dëmtimit të Skorupskit, reagoi me klas. Bologna, nga ana tjetër, vuajti për të krijuar dhe u përball me një mbrojtje të organizuar nga Juan Jesus dhe Di Lorenzo.
Në pjesën e dytë, loja ndryshoi krejtësisht. Bologna dominoi, duke e shtyrë Napolin në zonën e vet. Pas disa rasteve të rrezikshme, Ndoye barazoi në minutën e 64-të me një goditje të mrekullueshme me thembër pas një aksioni të rrjedhshëm nga e djathta.
Napoli tentoi të reagojë me futjen e Raspadorit, por ishte Bologna që pati rastin më të mirë për të fituar. Në minutën e 90-të, Castro humbi një gol të sigurt ndërsa në kohën shtesë, Ravaglia shpëtoi rezultatin me një pritje instinktive ndaj një goditjeje të Raspadorit të devijuar nga Olivera.
Ky barazim lë Napolin tre pikë larg Interit, ndërsa Bologna Sfidon ende në zonën champions. Por llogaritë vijojnë mes 8 ekipeve të para qoftë për kampionatet evropiane apo dhe për trofeun e serie a.
Nëse Bologna kalon me sukses dy sfidat e ardhshme kundër Atalantës dhe Interit, atëherë ëndrra për një kualifikim historik në Champions League mund të bëhet realitet.
