CONI ndalon të gjitha aktivitetet sportive në Itali

Pas ndarjes nga jeta të Papa Francesco, sporti italian është gati të ndalet sërish me rastin e funeralit të Atit të Shenjtë.

Këtë e ka konfirmuar presidenti i CONI-t, Giovanni Malagò, i cili, duke ndjekur udhëzimet e përfshira në DPCM-në e sotme, ka ftuar Federatat Sportive Kombëtare,

Disiplinat Sportive të Asociuara dhe Entet e Promovimit Sportiv që të pezullojnë çdo aktivitet sportiv të planifikuar për të shtunën më 26 prill.

Ky është një vendim që ndjek atë të marrë më parë nga Këshilli i Ministrave dhe i paralajmëruar nga ministri për Mbrojtjen Civile dhe Politikat për Detin, Nello Musumeci, i cili kishte njoftuar ndalimin e kampionatit të Serie A dhe të të gjitha garave sportive të planifikuara për ditën e varrimit të Papës.

Gjithashtu, Malagò ka përsëritur thirrjen për të respektuar një minutë heshtje gjatë aktiviteteve garuese që do të zhvillohen gjatë javës, në nderim të Papa Francesco.