Chelsea synon transferimin e mesfushorit

Në pritje që skuadra të arrijë objektivin e saj kryesor, kualifikimin në Champions League, klubi i Chelsea po lëviz edhe në merkato. Skuadra e “blues” synon një lojtar të rëndësishëm në Premier League, mesfushorin e Aston Villa, Morgan Rogers.

Lajmi konfirmohet nga e përditshmja britanike “The Independent”. Gjithsesi, skuadra e Aston Villa nuk dëshiron ta shesë yllin anglez dhe e sheh atë si një investim për të ardhmen.

Në nëntor, Rogers nënshkroi një kontratë të re deri në vitin 2030.

Gjithsesi, Villa po përballet me presionin e madh financiar këtë sezon. Ndaj, nëse nuk kualifikohet në Champions League, duke pasur parasysh se pagat e tyre kanë qenë mbi 90% të të ardhurave, gjithçka mund të ndodhë në merkato.

Chelsea mendon se mund të ketë një mundësi për të bërë biznes me Aston Villa për një marrëveshje për 22-vjeçarin, pasi synon të forcojë sulmin e tyre. Rogers ka qenë një lojtar vendimtar për ekipin e Unai Emery këtë sezon, duke shënuar 14 gola.