Kontratë shtatë vjeçare, Chelsea po e fiton garën për Dean Huijsen

Chelsea po rrit gjithnjë e më shumë besimin për të siguruar nënshkrimin e qendërmbrojtësit të Bournemouth, Dean Huijsen, gjatë afatit kalimtar të verës.

20-vjeçari spanjoll ka tërhequr vëmendjen e klubeve të mëdha si Liverpool, Arsenal, Tottenham dhe Real Madrid, pas një sezoni mbresëlënës në Ligën Premier.

Huijsen u transferua nga Juventusi verën e kaluar për 12.8 milionë funte dhe ka bërë 29 paraqitje në kampionat, duke ndihmuar Bournemouth në shtatë ndeshje pa pësuar gol.

Kontrata e tij përmban një klauzolë lirimi prej 50 milionë funtesh, të cilën disa prej këtyre klubeve e konsiderojnë seriozisht.

Megjithatë, Chelsea besohet të jetë në pozicionin më të favorshëm, falë ndjekjes së qëndrueshme dhe qasjes strategjike gjatë muajve të fundit.

Një tjetër avantazh për “Blutë” është marrëdhënia e gjatë me përfaqësuesit e lojtarit, si dhe gatishmëria për t’i ofruar një kontratë shtatëvjeçare me kushte të mira financiare.

Në total, Huijsen është paraqitur në 34 ndeshje në të gjitha garat këtë sezon, duke shënuar 3 gola dhe dhënë 1 asist, çka e bën një investim premtues për të ardhmen e mbrojtjes së Chelseat.