Rakitic: PSG në formë, por finalet s’kanë favoritë

Mesfushori kroat, Ivan Rakitic, ka komentuar finalen e ardhshme të Champions League, duke theksuar se megjithëse Paris Saint-Germain po shihet si favorit pas formës mbresëlënëse së fundmi, një finale nuk njeh favoritë të qartë.

"PSG duket favorit pas formës së fundit, por në një finale nuk ka asnjëherë të preferuar të qartë. Interi ka treguar forcë dhe do të kërkojë hakmarrje për finalen e humbur ndaj City", është shprehur Rakitic.

Në anën tjetër, kroati nuk e ka fshehur vlerësimin për Luis Enrique, trajnerin aktual të PSG-së, me të cilin kishte punuar te Barcelona.

"Nuk është befasi. Ai ka një plan shumë të qartë. Që në telefonatën e parë, para se të firmosja për Barcelonën, ai më sqaroi çdo gjë. Enrique është një trajner që përgatit hapin e dytë para se të hedhë të parin", ka thënë Rakitic.