Conte nuk ka asnjë dilemë

Antonio Conte e ka zgjedhur tashmë të ardhmen e tij, ajo nuk do të jetë te Napoli. Sipas asaj që raporton “Corriere della Sera”,ish-trajneri i kombëtares italiane dhe i Interit ka marrë prej muajsh një vendim të qartë: dëshiron të kthehet te Juventusi. Gazeta tregon një detaj të veçantë, që ndodhi gjatë takimit mes Contes dhe drejtuesve të Napolit për festën e titullit.

Pavarësisht presioneve dhe përpjekjeve të klubit napolitan për ta bindur që ta vijojë “rilindjen” e skuadrës blu, Conte mbetet i vendosur në qëndrimin e tij. “Gjithçka po bëhet për të ndryshuar mendimin e Antonios, – shkruan gazeta, – por ai ka vendosur që prej disa muajsh”.

Magjia e rikthimit te Juventusi është shumë e fortë për t’u injoruar. Atje ka fituar, ka lënë gjurmë të thella dhe dëshiron të përfundojë një rrugëtim të ndërprerë. Kush shpresonte për një kthesë të papritur me një marrëveshje mes Contes dhe Napolit, duhet të pajtohet me realitetin.

Në futboll asgjë nuk është përfundimtare, por për momentin rrugët duken të ndara.

E ardhmja e trajnerit nga Lecce është orientuar drejt Torinos, ku Juventusi është gati ta presë për të nisur një cikël të ri.