Manchester United bën ofertën e parë zyrtare për Mbuemon

Manchester United ka paraqitur ofertën e parë zyrtare për Bryan Mbeumo. Sipas David Ornstein të The Athletic, klubi nga Old Trafford po kërkon të transferojë sulmuesin e Brentford.

Oferta fillestare e United përfshin 45 milionë funte plus 10 milionë të tjera në formë bonusesh. Megjithatë, kjo shumë është ndjeshëm më e ulët nga ajo që Brentford kërkon për lojtarin.

Brentford ende nuk ka pranuar ofertën, por bisedimet mes dy klubeve janë në zhvillim e sipër me klubin londinez vlerëson Mbeumon më lart, duke synuar një pagesë më të madhe.

Vetë lojtari, 25-vjeçari Mbeumo, raportohet se është i hapur për transferimin dhe dëshiron t’i bashkohet Manchester United në këtë afat kalimtar.

Mbeumo pati një sezon të jashtëzakonshëm në Ligën Premier ku shënoi 20 gola dhe dhuroi tetë asiste, duke u renditur mes sulmuesve më produktivë të kampionatit.

Forma e tij ka tërhequr vëmendjen e disa klubeve të mëdha evropiane, por Manchester United ka marrë iniciativën e parë serioze për të siguruar shërbimet e tij.

Mbetet për t’u parë nëse Brentford do të pranojë ofertën ose do të kërkojë përmirësim, ndërsa United shpreson ta mbyllë marrëveshjen sa më parë.