Media kroate: Fabio Cannavaro nuk është më trajner i Dinamos

Fabio Cannavaro nuk është më trajner i Dinamos së Zagrebit, ka konfirmuar zyrtarisht klubi

“Fabio Cannavaro nuk është më trajner i Dinamos! Pas një sërë rezultatesh të pakënaqshme, italiani u largua nga pankina pas pak më shumë se 100 ditësh në Maksimir.

Ai në fund të vitit të kaluar mori skuadrën nga Nenad Bjelica me synimin për të përmirësuar rezultatet në kampionat, por nuk ia doli.

Nën drejtimin e tij, Dinamo udhëhoqi dhjetë ndeshje në kampionatin kroat dhe ka arritur pesë fitore, dy barazime dhe pësuar tre humbje. Ata së fundi pësuan me 3:0 ndaj Istra-s në Pulë”, shkruan mes të tjera media kroate “24 sata”.