Mungesa të mëdha në të dyja kampet

Sfida e madhe ndërmjet Barcelonës dhe Real Madridit, e vlefshme për javën e 35-të të La Ligës, pritet të nisë në orën 16:15 në një ndeshje që është vendimtare.

Dy skuadrat do të përballen në një duel që mund të vendosë fatin e titullit kampion.

Të dyja skuadrat kanë lëndime të mëdha dhe mungesat do të vërehen në formacion.

Te Barcelona do të mungojnë Pablo Torre, Jules Kounde dhe Marc Bernal, derisa Alejandro Bal

de dhe Robert Lewandowski janë rikthyer, por nuk pritet ta nisin ndeshjen nga minuta e parë.

Te Reali mungesa të mëdha do të jenë mbrojtësit si Dani Carvajal, Eder Militao, Alaba, Rudiger, Mendy si dhe mesfushori Camavinga.

Hansi Flick do të luaj me treshen sulmuese Lamine Yamal, Raphinha e Ferran Torres.

Në anën tjetër CArlo Ancelotti në mungesë të mbrojtësve në qendër do ta vendos francezin Aurelien Tchouameni.

Formacioni i mundshëm i Barcelonës: Szczesny; Eric Garcia, Cubarsi, Inigo Martinez, Gerard Martin; De Jong, Pedri, Dani Olmo; Lamine Yamal, Ferran, Raphinha.

Formacioni i mundshëm i Real Madridit: Courtois; Lucas Vazquez, Asensio, Tchouameni, Fran García; Valverde, Arda Güler, Ceballos; Bellingham, Mbappe, Vinicius.

Takimi do të gjykohet nga Cuadra Fernández. Me vetëm katër pikë që ndajnë dy ekipet në tabelë, kjo përballje do të ketë një ndikim të madh në garën për titull.